top of page
韓語字母拼寫互動應用（進階）
韓文（한글），又叫《訓民正音》（훈민정음），係由世宗大王根據人嘅口腔結構、中國古代嘅「天地人」思想同埋陰陽理論創造出嚟嘅。成套字母系統總共有 40個字母：
21個母音：包括10個基本母音同11個複合母音
19個子音：包括14個基本子音同5個複合子音
韓文字可以有以下五種組合方式：
ㅇ + 母音：ㅇ喺音節開頭唔會發音，淨係讀母音，好似：아（a）、유（yu）。
子音 + 母音：母音會排喺子音右邊或者下面，好似：려（ryeo）、포（po）。
子音 + 母音 + 母音：子音擺喺左上，兩個母音分別喺左下同右邊，好似：와（wa）、화（hwa）。
子音 + 母音 + 子音：跟第2種規則，再加一個子音喺底部，好似：열（yeol）、섯（seot）。
子音 + 母音 + 子音 + 子音：更複雜嘅組合，有多個子音，好似：많（manh）、않（anh）。
咁樣拼出嚟嘅韓文字可以有成千上萬個唔同組合，不過唔駛怕！基本上就好似中文嘅注音符號（ㄅㄆㄇㄈ）一樣，只要你記熟晒呢40個韓文字母，就可以讀到所有韓文嘅發音啦。
喺我哋嘅 應用程式入面，你可以撳唔同嘅子音，嚟探索佢同唔同母音嘅組合。試下撳下每個子音，學下佢嘅發音同組合方式啦！
bottom of page